otso: LUPA

Dito nagsisimula ang buhay,

       Dito rin nagtatapos.
Dito sumisibol ang mga suhay,
       Hanggang Gapasin ang mga uhay.

Sari - saring mga bahay
       mula kubo hanggang sa mansyong magarbo
Ang dito'y naka tindig.

Sa lupa lahat tayo'y nakatapak,
       Ngunit ang iba'y lutang sa halusinasyon.
Inaangkin ang malaon nang nauna
                 kahit pa sa nuno nya.
Payaso ka bang mapagpatawa?
    Baliw na mapagpaniwala?
Inilista sa pirasong papel
    ang bakurang kanya,
        Gahamang hindi maitatatwa!

Hindi ba maaari,
    Mabuhay ng mapayapa,
        Pinaglalabanang lupa
Ay pare - pareho namang di kanila.

Kung tutuusin

kahit papaano mo pa

sumahin.

Ang sukat lang ng lupang

iyong kailangan

Ay ang lupang iyong paglilibingan.

At kahit anong yaman ang iyong matipon

buong buhay

Pataba sa lupa pa rin ang iyong

katapusan.

"Everything must justify its existence before the judgment seat of Reason, or give up existence" Friedrich Engels